LAOAG CITY – Kinettel ti maysa a barangay kagawad, agtawen ti 43 ti bukod na a biag iti ciudad ti Batac.
Basar ken ni Police Lt. Col. Jerome Wangkey, ti chief of police iti ciudad ti Batac, iti oras ti alas-tres ti parbangon ket nakariing ti asawa ti biktima ken idi lukatan na ti ridaw ket nakigtot gapu ta nakita na metten a nakabitin iti beranda da ti nasao a barangay kagawad.
Gapu iti daytoy, nagpaarayat ti asawa ti biktima ken insigida met nga immasideg ti kayongna no sadinno a kalpasan a naibaba da ti barangay kagawad ket insigida nga intaray da iti Mariano Marcos Memorial Hospital and Medical Center ngem naideklarar a pimmusayen.
Mainaig iti daytoy, inbatad ti asawa ti biktima a daytoy ket agpaspasar ti depresyon gapu iti sakitna ken saan a makaturturog.
Patien met ti pamilya ti biktima nga awan ti foul play iti pannakatay na isut gapuna a nagkedked da a ma-otopsiya ti bangka na.
