LAOAG CITY – Inrekomendar ti Department of Justice (DOJ) ti panangipila ti kaso kontra ken ni Charlie Tiu Hay Ang wenno ad-adda nga am-ammo iti nagan nga Atong Ang ken 25 a dadduma pay mainaig iti serye ti panagpukaw dagiti mammallot.
Basar iti press statement, nakita ti panel of prosecutors ti prima facie evidence nga addaan ti “reasonable certainty of conviction” para iti pakabuklan a sangapulo a bilang ti kaso a Kidnapping with Homicide.
Karaman kadagiti akusado dagiti sumagmamano nga opisial ti pulisia, dagiti tauhan ti pagpallotan ken dagiti dati nga empleado ni Ang.
Malaksid iti daytoy, adda ti 16 a bilang ti kaso a Kidnapping with Serious Illegal Detention a naipila met kontra iti kapada a grupo pakairamanan dagiti sumagmamano a saan pay a nabigbig a pulis.
Iti pakabuklan, 26 a kaso ti ipila iti korte para iti panangiwayat ti panangtingiting.
Naammoan a dagitoy a kaso ket paset ti consolidated cases ti People of the Philippines vs. Charlie Tiu Hay Ang ken dadduma pay mainaig kadagiti mapukpukaw a mammallot manipud idi 2021 agingga iti 2022.
Kabayatanna, dagiti kaso a naipila kadagiti dadduma a respondents ket temporario nga inbasura ngem mabalin manen a biagen no adda ti baro nga ebidensia a maidatag.
Kidnapping with Homicide (10 counts):
Charlie Tiu Hay Ang wenno Atong Ang
PLtCol. Ryan Jay Orapa
Rogelio Teodoso Borican Jr.
Rodelo Anig-ig
Jezrel Mahilum
Mark Carlo Zabala
Ronquillo Anding
PSMS Joey Natanauan Encarnacion
PEMS Aaron Ezrah Lagahit Cabillan
PMSG Michael Jaictin Claveria
PSMS Mark Anthony Aguilo Manrique
PSMS Anderson Orozco Abary
PSSG Edmon Hernandez Muñoz
PSSG Alfredo Uy Andres
PMaj Philip Almedilla
PLT Henry Sasaluya
PCMS Arturo Dela Cruz
PSMS Farvy Opalla Dela Cruz
PCpl. Angel Joseph Martin
Jezrel Lazarte Mahilum
Emman Cayunda Falle
Julious Tagalog Gumulon
PMSg Renan Lagrosa Fulgencio
Kidnapping with Serious Illegal Detention (16 counts):
Charlie Tiu Hay Ang wenno Atong Ang
PLtCol. Ryan Jay Orapa
PMSg Michael Jacitin Claveria
Rodelo Anig-ig
Rogelio Borican Jr.
PSSG Alfredo Uy Andres
PMaj Philip Simborio Almedilla
PSMS Joey Encarnacion
PEMS Aaron Ezrah Lagahit Cabillan
John Does wenno dagiti saan pay a nabigbig a pulis a karaman iti grupo ni PLtCol. Orapa
Iti agdama, maiyur-uray pay dagiti sungbat dagiti maak-akusaran para iti reaksionda.
