LAOAG CITY – Immaboten iti personalan ti riri iti nagbaetan da Senador Imee Marcos ken Senador Ping Lacson.
Daytoy ket kalpasan nga inlawlawag ni Lacson a saan a bakla ken awan ti retoke iti rupana kalpasan ti immuna a karit ni Sen. Imee nga agpinnungotda.
Namunganay ti personalan ti dua nga agpanpanday linteg gapu iti maipagarup a pananglapped ti Blue Ribbon Committee iti Senadora nga agsarita kontra kadagiti opisial a karaman iti maanomalya a flood control projects.
Inpetteng ni Sen. Imee a saanna nga inawagan a bakla ni Lacson ken awan ti dakes iti panagbalin a bakla kasta pay ti panagparetoke.
Kunana nga adda ti bukud a desision ti tunggal tao iti aramidenna iti bagina, dadaelenna man ti rupa, nagan ken dignidad daytoy.
Kabayatanna, saan met a direkta ngem adda ti baro a pasagid ni Sen. Imee ken ni Sen. Lacson mainaig iti saludsod a “mano?.”
