LAOAG CITY – Inpakaammo ni Atty. Charito Malicad, ti officer in-charge ti Business Permit and Licensing Office (BPLO) nga main-inoten a makiskissayan dagiti negosio nga illegal ti panagoperarna ditoy siudad ti Laoag.
Inlawlawagna nga iti laeng kallabes ket naduktalanda nga ado dagiti negosio a saan pay a nakaparehistro.
Innayonna a maragsakan daytoy gapu ta iti agdama ket adda dagiti agturturong iti opisinada tapno agilakad kadagiti kasapulan a papeles.
Kabayatanna, namnamaenna nga iti kabiitan a panawen ket makapag-renew amin a negosio ditoy siudad ti Laoag gapu ti panagtultuloyda nga ag-monitor kadagiti aglabsing tapno malappedan ti illegal a panagoperarda.
