LAOAG CITY – Mamati ti Malakanyang a maysa a divertionary tactics ti panagtapaw ti impormasion mainaig iti pannakaarestar ni Senator Bato Dela Rosa.
Ginutigot ti palasyo ti publiko nga amoen ti paggapgapuanan ti motibo dagiti impormasion nga agwarwaras sakbay daytoy a patien.
Segun ken ni Castro, awan ti naannanay a kontekstona dagiti iwarwaras da Atty. Bondoc ken Harry Roque mainaig ken ni Sen. Ronald “Bato” dela Rosa.
Inbatad ni Under Secretary Castro, nga arigna “timing” laeng daytoy tapno mailiklik ti atension ti publiko manipud iti inparuk-at nga impormasion ti Commission on Audit mainaig iti maipagarup naresibuan a panaggasto ti confidential funds ti Office of the Vice President ken Department of Education nga addaan ti pirma ni Vice President Sara Duterte.
