LAOAG CITY – Balligi a naisayangkat ti Handog ng Pangulo: Luntiang Bukas iti dakkel a mall iti siudad ti Laoag
Daytoy nga aktibidad ket inorganisar ti Department of Environment and Natural Resources para ti pannakaipaay ti land patents kadagiti nasurok 1003 nga indibidual iti intero a region 1.
Pakairamanan dagiti nakipaset ket dagiti indibidual manipud iti Ilocos Norte, Ilocos Sur, La Union ken Pangasinan.
Malaksid kadagitoy, nagatendar pay dagiti sumagmamano a kameng ti konseho iti nagduduma nga probinsia kas ni Ilocos Norte Governor Cecilia Araneta Marcos ken Laoag City Mayor James Bryan Alcid.
Mainaig iti daytoy, nagyaman ni Alcid iti Department of Environment and Natural Resources particular iti pannakaipaay ti geographical map.
Kunana nga napateg daytoy a blueprint gapu ta ditoy a makita ken madutok dagiti lugar iti rehion a prone iti landslides, panaglayus, storm surges, gingined ken dadduma pay a natural calamity a mapasaran.
Inpettengna a ti climate change ket umno wenno realidad nga mapaspasamak isu a kasapulan ng agtignay ken agsagana ti gobierno tapno malappeddan ti epektona.
Kabayatananna, kinomendaran ni Ilocos Norte Governor Cecilia Araneta Marcos iti Department of Environment and Natural Resources iti agtultuloy a panangiwayatda kadagiti nagduduma a programa a mangtagiben iti aglawlaw.
Inpakaammo met ti Department of Environment and Natural Resources Secretary a ni Hon. Juan Miguel T. Cuna a nagduduma a klase dagiti land patents pakairamanan ti agricultural, residential ket special patents nga ipaay ti gobierno tapno masigurado ti seguridad.
