LAOAG CITY – Inburay ni P/Maj. Kristian Lee Badua dagiti addang nga inaramid Piddig Municipal Police Station tapno magun-od ti ili ti deklarasion kas maysa kadagiti drug-cleared municipality ditoy probinsia.

Segun ken ni Badua, pakairamanan kadagiti kangrunaan nga insagadana ket dagiti orientation, validation, random drug testing, ken nagduduma pay a programa tapno masigurado a drug-cleared ti tunggal barangay ken iti pakabuklan ti ili.

Mainaig iti daytoy, inadmitir ti opisial nga adda dagiti nagbalin a karit paman ti panag-validate kadagiti listaan dagiti drug-users, kas koma ti panagbalbaliw ti address, panagturong iti sabali a pagilian, wenno dagiti saan a masarakan ti ayan na.
Pakairamanan kadagitoy a karit ket ti kinakurang ti oras ken ti ado a panagtataripnong a kasapolan nga iwayat.

Nupay kasta, agar-aramid da ti nagduduma a wagas ti panagberipikar tapno maamoan ti eksakto a lugar dagitoy.

Kabayatanna, inlawlawag ni Badua ti nagduan ti drug cleared ken drug free.

Ti drug cleared ket dagiti indibidual nga adda iti listaan ti simmuko no sadinno a dimmalan iti umno a proseso kas koma ti rehabilitasion, ken monitoring, ken dagiti nadalosanen ti naganna.

Idinto a ti drug free ti totally wiped out a presensia ti iligal a droga iti lugar.