LAOAG CITY – Adda iti 12 a kaso ti human immunodeficiency virus ditoy ciudad ti Laoag manipud Enero agingga iti Hunio 2025.
Daytoy ti inpakaammo ni Dr. Rodrigo Catcatan, ti mangidadaulo iti City Health Office ditoy ciudad ti Laoag.
Segun kenni Catcatan, dagitoy laengen ti naudi nairekord da ken awan met pay ti baro a kaso iti agdama.
Mainaig iti daytoy , kunana nga agtultuloy ti HIV screening iti opisnada kadagiti kayatna ti dumalan iti daytoy.
Inbatad na a ti kangrunaan a dumaldalan iti screening ket dagiti adda ti sakit na ti tuberculosis pakairamanan dagiti masikog.
Maipalagip nga iti kalabes ket nangiyuswat ti City Health Office ti seminar ken check-up kadagiti GROs kas paset ti obserbasyon ti World Aids Day.
