LAOAG CITY – Nakita a maysan a bangkay ti maysa a senior citizen a tumtumpaw iti baybay a paset ti Gabut Norte, Badoc, Ilocos Norte.
Nabigbig daytoy a ni Clemente Quelbio y Ranada, agtawen ti 72, naasawaan, maysa a mangalap ken residente iti Brgy Gaang iti ili ti Currimao.
Segun iti PNP-badoc, nakaawat da ti report manipud iti concern citizen seknan iti nadiskubre a bangkay iti Barangay Gabut Norte.
Dagus me a nagturong dagiti kameng ti PNP-Badoc ngem idi nakadanon da iti lugar ket naamoan da a ti bangkay ket inpan ti Philippine Coast Guard iti Macabiog Funeral Homes iti ili ti Currimao.
Iti imbestigasyon, iti 2:30 itay parbangon ket nakita ti agnagan ti Fely Cainglit y Garcia, 72, naasawaan, maysa a mangalap ken residente iti Brgy Gabut Norte a tumtumpaw ti bangkay isut gapo na a dagus na nga inpaigid.
Basar met nakakita, itay alas-kwatro ti parbangon ket napan ni CGPO2 Ericson Tiburcio iti Philippine Coast Guard iti lugar.
Ummunan nga inbatad iti Bombo Radyo Laoag ni Mr. Andrich Cainglit iti Barangay Gabut Norte iti ili ti
Badoc a nakita na idin ti biktima no sadinno ket tinulungan na gapo ta napelpelan ti daga ti ngiwat na.
