LAOAG CITY – Kinumpirmaran ni Police Lt. Col. Rafael Lero, ti chief of police ti PNP-Laoag ti napasamak a pammakong iti Sitio 5, Barangay 50, Buttong ditoy ciudad.
Ti biktima ket agtawen ti 38, construction worker ken ti suspek ket ti kaanakan na nga agtawen ti 20, awanan ti asawa ken agpada residente iti nasao a lugar.
Segun kenni Lero, iti imbestigasyon da ket adda ti nakita ti biktima a pinggan a nanganan ken saan a naugasan iti balay da ken inbalikas na ti “hit and run” rason a nakapungtot ti suspek ken nagdinnanugan da agingga a nangala ti improvised icepick ken isu ti inbagkong na iti uliteg na.
Gapo iti daytoy, nagsagaba ti sugat iti barukong ti biktima ngem saan a napakarwan.
Inbatad pay ni Lero a basar iti imbestigasyon da ket adda ti datin a panagriri ti biktima ken suspek.
Iti agdama ket adda iti ospital ti biktima ken saan unay a nakaro ti sugat a sinagabana.
Kabayatanna, rumrumwar a saan a kayat ti biktima nga agipila ti reklamo kontra iti kaanakan na.
