LAOAG CITY – Nagballigi ti naisayangkat a drug buy-bust operation iti paset ti Barangay 2 ditoy ciudad ti Laoag babaen iti nagtitipon a pwersa ti Provincial Drug Enforecement Unit (PDEU) ken PNP-Laoag.
Nabigbig ti subject ti operasyon a ni Jayson Corpuz, alyas “MJ”, agtawen ti 23, ken residente iti Barangay 1 ditoy ciudad.
Naala iti ikot ti suspek ti dua nga ice bag a naglaon ti napagango a bulong ti marijuana ken ti 500 a pisos a nausar iti operasyon.
Naamoan nga immunan a natiliw ti suspek idi 2017 no sadinno a menor de edad pay laeng daytoy gapu iti illegal a droga.
