LAOAG CITY – Umaboten iti 4 ti bilang ti natay iti napasamak a pammaltog iti uneg ti pagadalan idiay Tacloban City.
Saan a kinabaelan ti kaudian a biktima nga estudyante ti sinagaba na a sugat kabayatan a maag-agasan iti ospital.
Kinumpirmaran ti Philippine Red Cross (PRC) ti pannakatay ti maikapat a biktima iti oras ti ala-7 ita a rabii ti Lunes, Hunyo 22.
Adda met ti 15 nga agad-adal manipod iti San Jose Natonal High School ti agdama nga agpapaimbag iti ospital.
Maipalagip a naarestar dagiti otoridad ti dua a suspek iti nasao a pammaltog no sadinno a maysa kadagiti paltog a nausar ket kukua ti babai a pulis idinto a ti .38 caliber a paltog ket nakarehistro iti maysa a security agency.
