LAOAG CITY – Nakasagana a sungbatan ni showbiz host Cristy Fermin iti korte ti kaso a cyberlibel nga inpila ti aktres a ni Bea Alonzo.
Inbatadna a daytoy ket kabulbulonen iti trabahona dagiti kaso kas ti libel.
Iyur-urayna laeng ti kopya ti kaso ken nakasagana a sumungbat iti nasao a kaso iti korte.
Pinalagipanna iti aktres a kas maysa nga artista ket ‘public figure’ daytoy isu a saan a mabalin a sensitibo kadagiti komento iti publiko.
Inpetteng ni Fermin a patas ti amin dagiti komento iti programana ken ipapabus-oyna lattan kadagiti indibidual no kasanoda nga agsungbat.
Maipalagip a nangipila ti kaso a cyberlibel iti Quezon City Prosecutors Office ti aktres kontra ken ni Fermin ken Talent Manager a ni Ogie Diaz gapu iti maipagarup a makapaperdi a komento kenkuana.
