LAOAG CITY – Saan a patien ti Department of Environment and Natural Resources a ti dredging operation iti padsan river ti rason ti pannakaperdi ti dike iti Brgy. Gabu Norte ditoy siudad ti Laoag.
Segun ken ni Daryl Saguid, Environment and Management Bureau, saan pay a nagun-od ti husto a kaado ti na-drege iti nasao a karayan no sadinno negative -88% wenno 309 thousand cubic meters ti naala gapu kadagiti agsasaruno a bagyo.
Inpettengna nga adda ti linya a sursurutenda para ti pagdregingan nga adayo iti dike.
Innayonna pay nga adda ti naited nga Environment compliance certificate wenno ECC sakbay a naisayangkat ti nasao nga aktibidad.
Kabayatanna, kwenestionaran ni Sangguniang Panlungsid Membber Jason Perera no apay a saan a dimmalan ti nasao a banag iti Sangguniang Panlungsod ket maibilang daytoy kas maysa a massive dredging.
Segun kenkuana, saan a makaumanay no ti laeng barangay ken probinsia tipagdalanan laeng daytoy nga aktibdad sipud ta nakaiyataday daytoy iti local government code a saan a special permit.
Namunganay ti nasao a banag kalpasan a pinaayaban iti biang ti Sangguniang Panlungsod ditoy siudad ti nasao a departamento tapnu malawlawagan ti maipagarup a rason iti pannakaperdi ti dike.
