LAOAG CITY – Nakasaganan ti Department of Education – Ilocos Norte ti maiyuswat a Brigada Eskwela a manamnama a mangrugi intono Lunes, Hulio 22.
Daytoy ti inpakaammo ni Atty. Donato Baldetas Jr., Schools Division Superintendent ti Department of Education ditoy probinsia.
Segun kenkuana, maisayangkat ti Kick Off Program kas panangrugi ti Brigada Eskwela iti intero a pagilian iti maysa a pagadalan iti ili ti Piddig.
Inbatadna nga inpasagepsepna kadagiti mangisursuro a liklikanda nga agpamulta kadagiti saan a makapan nga agdalus gapu ta naiget maipawil daytoy iti Department of Education.
Nupay kasta, inlawlawagna a no bilang boluntario nga ipaay dagiti indibidual dagitoy ket nasayaat nga awatenda gapu ta saanda a napilitan a mangited ti kuarta.
Kunana a naiget ti koordinasion kadagiti amin nga indibidual a makipaset iti Brigada Eskwela 2024 tapno agbalin a nakasagana ken nadalus iti pagadalan sakbay a sumrek dagiti estudiante.
Innayonna nga adda pay ti manamnama a panagtataripnong inton Hulio 26 dagiti kameng ti Departmenf of Education – Ilocos Norte a pakipagpasetan dagiti Integrated President tapno maipakaammo iti maipanggep ti Asynchrounous Learning System nga ipatungpal iti departamento ita nga School Year 2024-2025.
