LAOAG CITY – Saanen a namnamaen ni Justice Secretary Jesus Crispin Remulla a ni dati a Ako Bicol party-list Representative Zaldy Co ti tumawag kadagiti otoridad iti baet ti pannakairaman na iti anomalya a flood control projects.
Segun kenni Remulla, no adda ti parikot ti maysa a tao ket pumanaw ken isu ti agbalin a problema.
Kuna pay ni Remulla a saan pay a maibilang a pugante ni Co ngem posible nga isu ti agbalin ti estado ti dati a Kongresista.
Inlawlawag na a ninamnama nan ti panagikkat ni Co kageddan ti panangutigot na a sangwen ti dati a Kongresista dagiti reklamo kontra kenkuana.
Inbatadna pay a ni Co ket nagtalinaed idiay Spain.
Rakurak daytoy ti Justice Secretary kalpasan ti panagikkat ni Co kas miembro ti House of Representatives no sadinno kunana nga adda ti pangta kenkuana ken iti pamilya na.
Ummuna iti daytoy, nairekomendar iti National Bureau of Investigation ti pannakaipila ti kaso kontra kenni Co ken dadduma pay nga opisyal ti gobierno.
Basar iti Department of Justice, ti addang ket manipud kadagiti sinapataan a salaysay da Engineer Henry Alcantara, Engineer Brice Hernandez, Engineer Jaypee Mendoza, ken dati a Department of Public Works and Highways Undersecretary Roberto Bernardo.
Malaksid iti daytoy, kuna ni Remulla a manarimaan ti panangiproseso da iti aplikasyon da iti International Criminal Police Organization wenno Interpol para iti blue notice kontra kenni Co.
Dinakamaten ni Alcantara a kadua na ni Public Works and Highways Undersecretary Roberto Bernardo iti maipagarop a panangipaay ti komisyon manipud iti flood control projects iti kampo ni Senator Jinggoy Estrada, Sen. Joel Villanueva, dati a Senator Bong Revilla, ken ni Co.
Kastoy met laeng ti nagbalin a rakurak ni Bernardo later kabayatan ti panagdengeg iti Senado.
Kabayatanna, inbatad ni Remulla nga imbestigaren da ti rakurak ni Orly Guteza, ti “surprise witness” a nangibaga nga isuna ti nagdeliver ti money for former Speaker Martin Romualdez.
