LAOAG CITY – Inlawlawag ni Engr. Glenn Miguel, District Engineer ti Department of Public Works and Highways – First District Engineering Office a dagiti ipatpatungpalda a proyekto ket mangpapintas pay kadagiti kalsada.
Segun kenkuana, daytoy ket kalpasan nga adda dagiti sayangguseng nga arig no adda ti maipatungpal a proyekto ket ti kuarta ti mapagsasaritaan.
Inbatadna a daytoy ket kas gagem ti Ilocos Norte – First District Office nga ad-adda pay a mapasayaat dagiti kalsada iti umuna a distrito.
Kunana a saan laeng a basta a proyekto dagiti ipatpatungpalda no di ket siguradoenda a dakkel ti pakabenepisiaran para kadagiti umili.
