LAOAG CITY – Kinumpirmaran ni Police Lt. Col. Rafael Lero, chief of police to PNP-Laoag ti pannakatiliw dagiti dua a lallaki gapo iti panangibyahe da ti 100 a sako ti pebbles.
Ti driver ti truck a nakailuganan dagiti pebbles ket agtawenti 27 a residente iti Concepcion Gen. Tiño, Nueva Ecija idinto a ti pahinante na ket agtawen ti 22 ken residente met iti Bago, Gen. Tiño iti nadakamat met laeng a probinsya.
Segun kenni Lero, dagiti dua a lallaki ket napan da nagideliver ti poste ti kuryente iti ili ti Pasuquin ken ditoy nga adda ti nakasarita da a maysa nga indibidwal a nangarkila kadakuada iti balor a lima ribo a pisos tapno dagas dagitoy dagiti 100 a sako ti pebbles idiay Uradaneta Pangasinan.
Inlawlawag ni Lero a basar kadagiti dua a lallaki ket saan da nga ammo ti nagan ti inidibidwal a nangarkila kadakuada.
Inbatad na pay nga awan ti naipakita dagiti dua a lallaki a dokumento a mangipaneknek a mabalin da nga agibyahe ti pebbles.
Nupay kasta, inpetteng ni Lero nga ammoen da no siasinno ti nasao nga indibidwal.
Saan metten a nangipaay ti aan-anay a detalye ni Lero mainaig iti daytoy tapno saan a makompromiso ti iyuswat da a naun-uneg nga imbestigasyon.
