LAOAG CITY – Balligi a naipaima kadagiti mannalon dagiti fertilizers ken machieneries iti ili ti Dingras.
Daytoy ket kalpasan ti naisayangkat nga agricultural needs initiative nga inwayat ti lokal a gobierno ti nasao met laeng nga ili.
Segun ken ni Mayor Sagui Go- Sy, Mayor ti ili ti Dingras, a babaen kadagiti naipaay nga agricultural equipment kadagiti mannalon ket makatulong para iti pannakaitag-ay ken pananakasalun-at ti ilida iti benneg ti agrikultura.
Gapo iti daytoy, impasiguradona ti agtultuloy a panangsuporta ti lokal a gobierno kadagiti kasapulan dagiti mannalaon iti ilida.
Kabayatanna, inbatad met ti bise Mayor a ni Vice Mayor Erdio Valenzuela nga ammoda ti rikna ti manarimnaan a sangsangoen dagiti mannalon a krisis a segun kenkuana ket iso ti gapuna ti pannakaisayangkat ti tulong kadakuada.
