LAOAG CITY – Mapan bumisita ni Gob. Matthew Marcos Manotoc idiay Shandong Province, China intono Oktubre kadwana dagiti sumagmamano a Sangguniang Panlalawigan Member.
Inbatad ti Gobernador a daytoy ti ummuna a Foreign Trip-na kas Gobernador ti Ilocos Norte.
Inlawlawagna a kanayon nga al-allukuyen isuna dagiti taga Shandong Province a masansan a bumisbisita ditoy probinsya.
Ditoy a mapagsasaritaan dagiti napapateg a banag seknan iti al-alisto pay a panagdur-as ti negosyo ken turismo iti nagbaetan ti pagilian a Pilipinas ken Tsina.
