LAOAG CITY – Pormalen a nangipila ni Gov. Matthew Marcos Manotoc ti Certificate of Candidacy-na iti kina-Gobernador para iti 2025 Midterm Elections.
Kadua ni Gov. Manotoc ni Vice Gov. Cecilia Araneta Marcos a nagpaidasig manen kas Bise Gobernador pakairamanan dagiti sumagmamano pay a kameng ti Sangguniang Panlalawigan a maminsanda manen nga agpailayon kas Bokal para iti sumaruno a terminoda.
Naammoan a dagiti sumagmamano a Bokal a nangipila ti kandidaturada iti Provincial Commission on Elections ket isuda Atty. Saul Paulo Lazo, Atty. Franklin Respicio, Dr. Medeldorf Gaoat, Jonathan Torralbba, Portia Salenda ken Gian Crisostomo.
Kabayatanna, kinadua ni Miss Earth 2014 Jamie Herrell ti boyfriend-na a ni Gov. Manotoc iti panangipilana ti Certificate of Candidacy-na.
