LAOAG CITY – Nagtalinaed a natalged iti seguridad ditoy Ilocos Norte iti baet dagiti mapaspasamak a tension iti West Philippine Sea.
Daytoy ti inpakaammo ni Major General Ivan Parera, Chief ti Armed Forces of the Philippines – Systems Engineering and Modernization Office.
Segun kenkuana, immakaren ditoy probinsia dagiti kameng ti 4th marine brigade nga orihinal a naka-deploy idiay Sulu.
Inbatadna a daytoy ti mangipakita ti panag-transition ti Armed Forces of the Philippines manipud iti internal ket mapagbalin nga external defense ken tapno manayonan ti coastal dense iti northwestern portion ditoy pagilian.
Inlawlawagna nga iti agdama ket naynayonanda dagiti makinariada wenno anti-ship missiles.
Kunana a mangestablisarda ti nayon a missile system pakairamanan dagiti sensors para iti maritime awareness tapno makita no adda dagiti illigal a panagserrek dagiti barko iti teritorio ditoy pagilian.
Innayonna a dagitoy nga addang ket isu ti kalikagum ni Presidente Ferdinand Marcos Jr. nangruna ket dakkel ti responsibilidad ti Marines ken Navy iti external defense ditoy Pilipinas.
