LAOAG CITY – Natukkol ti saka ken nagsagaba ti sugat iti nagduduma a paset ti bagi maysa a lalaki kalpasan ti napasamak a desgrasya iti Barangay 19, San Lorenzo iti ili ti San Nicolas.
Nabigbig ti biktima a ni CJ Dote y Villa, residente iti Barangay 32, Sungadan iti ili ti Paoay.
Basar iti imbestigasyon ti PNP-San Nicolas, agpapaabagatan a direksyon ti biktima iti Manila North Road idi kellaat a napukawan ti kontrol iti manibela a rason ti pannakatulid na.
Gapo iti daytoy, natukkol ti akin-kannigid a saka na ken dagus met a naitaray iti Gov. Roque Ablan Senior Memorial Hospital.
Rumrumwar a ti biktima ket adda iti impluwensya ti nasanger ti napasamak ti insidente.
