LAOAG CITY – Naragsak a nakatulong dagiti tallo a mangngalap a taga-Brgy. Naglicuan iti ili a Pasuquin a nakasalbar ti pada da a mangngalap a naisadsad iti tengnga ti taaw.
Nabigbig dagitoy a da Denis Caldito, Vieno Caldito ken ni Rommel Tagavilla.
Segun kenni Denis, saan da a nagdudua a nangtulong kenni Joel Domingo apaman a nakita da nga agpaypayapay nga agpatulong rason nga insigida a napan da sinalbar daytoy uray napigsa ti dalluyon.
Nupay kasta, awan met ti sinagaba na a sugat iti aniaman a paset ti bagi na.
Maipalagip a nagbaliktad ti nagluganan ni Domingo a bangka iti baybay iti paset ti Brgy. 33-B La Paz ditoy ciudad ti Laoag ken naisadsad idiay Pasuquin kalpasan a sinerrek ti danom ti bangka na.
