LAOAG CITY – Adalen pay laeng a naimbag ti lokal a gobierno iti ili ti Burgos ti pannakaestablisar ti offshore windmills.
Segun ken ni Mayor Cresente Garcia, dakkel a saludsod kadakuada no ania ti posible nga impact wenno itundana iti aglawlaw kangrunaanna iti baybay no maipatungpal daytoy.
Inbatadna a dakkel ti agbalin nga epektona daytoy para kadagiti maseknan a residente nangruna ket panagkalap ti kangrunaan a pagbiaganda.
Inlawlawagna nga uray inpasingked kadakuada ti maysa a kompania nga awan ti dakkel nga epektona ngem para kenkuana ket mamati isuna nga adda gapu iti kemikal a mausar a mabalin a matnag iti baybay.
Immuna iti daytoy, inprisentar ti maseknan a kompania daytoy a proyekto iti Sangguniang Panlalawigan no sadinno a ti kangrunaan met laeng a pakaseknanda ket ti aglawlaw.
