LAOAG CITY – Napadayawan ti lokal a gobierno iti ili ti San Nicolas kas first runner up para iti Search for Regional Literacy Award 2024.
Segun ken ni Mayor Mike Hernando, dakkel daytoy a pammadayaw gapu ta isuda laeng ti napili nga ili iti intero a rehion uno.
Inbatadna a daytoy a programa ket isu ti maysa kadagiti kangrunaan nga ipangpangrunada.
Inlawlawagna a dakkel ti impluwensia ti edukasion iti tunggal indibidual rason a masapol a maitandudo daytoy kadagiti umili.
Kabayatanna, naammoan nga adda dagiti mangisursuro a maik-ikan ti bassit a gatad kas sukat ti bannog dagitoy iti panangisuro kadagiti ubbing kangrunaanna kadagiti maibilang nga slow learners iti tunggal weekends.
