LAOAG CITY – Binigbig ti lokal a gobierno ditoy ciudad ti Laoag ti dakkel nga akem dagiti babbai iti komunidad kas paset ti selebrasion ti National Women’s Month ita a bolan babaen ti Sunshine Women 2026 a naiwayat iti Laoag City Multi-Purpose Hall.
Napadayawan dagiti babbai kadagiti nagduduma a kategorya kas ti Professional, Non-Professional, Youth ken Solo Parent.
Babaen iti daytoy ket napaneknekan dagiti Laoagueños ti kinalaing, kinatibker, dedikasion ken ayat da iti pamilya da ken ti komunidad.
Ti nasao nga aktibidad ket nagbibinnuligan ti lokal a gobierno iti babaen ti City Social Welfare and Development kOffice ken ti Local Council of Women-Laoag City.
