LAOAG CITY – Nagnegatibo ti drug test ti babai nga agtawen ti 43, naasawaan ken residente iti Barangay Cali iti ili ti Dingras ngem agdama nga agnanaed iti Barangay 1 iti ili ti San Nicolas.
Segun ken ni P/Cpt. Sygman Benigno, Hepe ti San Nicolas Municipal Police Station, napilaanen ti kaso a panaglabsing iti Republic Act No. 9165 wenno Comprehensive Dangerous Drugs Act of 2002 kontra iti supek ken naipisoken iti Bureau of Jail Management and Penology ditoy siudad ti Laoag.
Inbatadna a nakumpiskar manipud iti suspek ti maysa nga heat sealed transparent plastic sachet a naglaon ti maipagarup a shabu nga agdagsen ti maysa a gramo ken agbalor ti 6,800 a pisos.
Malaksid iti daytoy, naala pay dagiti otoridad ti dua nga heat sealed transparent plastic sachet nga agdagsen ti dua a gramo nga agbalor met ti 13,600 a pisos.
Innayon ni Sygman a ti suspek ket maibilang nga high value individual.
