LAOAG CITY – Adda ti maysa a ciudad ken lima nga ili ditoy probinsya a maibilang kas areas of concern para iti mapaspasangasangan nga eleksyon.
Karaman ditoy iti ciudad ti Laoag, iti ili ti Pagudpud, Paoay, Pasuquin, Currimao ken Badoc.
Segun ken ni Police Major Sheryl Guzman, ti pannakangiwat ti Ilocos Norte Police Provincial Office, adda ti naipagagangayen nga ar-aramiden da tunggal madanun ti eleksyon tapno mapagtalinaed ti linak, urnus ken talna.
Daytoy ket ti aw-awagan da ti “Timpuyog”, no sadinno a mapan da bisitaen dagiti kandidato kadwa da dagiti kaeng ti Bureau of Fire Protection, Philippine Army, Department of the Interior and Local Government ken Religious Sectors tapno mangiyuswat ti mediation kangrunaan na dagiti ili a maibilang kas election hot spot.
Mangnamnama ti Ilocos Norte Police Provincial Office nga agtalinaed ti linak, urnus ken talna iti pannakaisayangkat ti May 2025 Midterm Elections.
