LAOAG CITY – Manamnama a mapilaan ti kaso a direct assault ti maysa kadagiti tallo a lallaki a natiliw kalpasan a pinagsaw-an na ti dakes dagiti pulis iti ili ti Bacarra.
Nabigbig daytoy a ni Joel Domingo, maysa a construction worker, tubo iti Barangay 18, Estancia iti ili ti Piddig ngem agnanaed it Barangay Bani, Bacarra idinto a dagiti dua a kakadua ket isuda Renie Galiza, 55 ken ni John Madariaga, 33, agpada a residente iti Barangay 4 iti ili ti Bacarra.
Da Galiza ken Madariaga ket naikkat ti citation ticket gapo iti panaglabsing iti liquor ban ken saan a panagisuot ti facemask.
Segun kenni Police Major Dionisio Badillo, ti chief of police ti PNP-Bacarra, natiliw dagiti tallo a lallaki bayat ti panagpatrolya da PSSg Gary Bolusan ken Pat. Raymund Acebedo partikular iti Barangay 1, Sta. Rita iti nasao nga ili.
Inlawlawag na a kabayatan ti panagpatrolya dagiti pulis ket nakita da dagiti tallo a lallaki a nakalugan ti kurong-kurong ken arig na saan a maiturong ti driver ti lugan da rason a napan da inasitgan.
Nupay kasta, nakapungtot ni Domingo a nangitunda ti panagsao na ti dakes kadagiti dua a pulis ken nangirwar ti tabas nga agatiddog ti 27 inches.
Iti agdama ket nagtalinaed iti kustudiyar ti PNP ti nadakamat a lalaki.
