LAOAG CITY – Naarestar ti maysa a lalaki kalpasan nga inreklamo ti asawa na gapu iti maipagarop a panangdangdangran na kenkuana iti ili ti Pagudpud.
Nabigbig ti suspek a ni Patrocinio Balo Jr., agtawen ti 41, mangngalap ken residente iti Barangay Saud iti nasao nga ili.
Segun ken ni Police Major Carlo Abing, ti chief of police iti ili ti Pagudpud, naarestar ti suspek babaen ti bileg ti warrant of arrest gapu iti kaso na a 3 counts iti panaglabsing iti Republic Act 9262 wenno Anti-Violence Against Women and their Children Act of 2004.
Nupay kasta, nawaya-wayaan metlaeng a dagus ti suspek kalpasan a nakabayad ti 6 a ribo a pisos a nairekomendar a pagpiyansa na.
