LAOAG CITY – Natay ti maysa a dati a Cafgu kalpasan a bimtak ti iggem na a granada idiay Barangay Saguigui, Pagudpud, Ilocos Norte.
Nabigbig daytoy a ni German Espiritu y Bulosan, agtawen ti 48, maysa a mannalon, dati a Cafgu ken residente iti nasao a barangay.
Segun kenni Police Lt. Joel Corrales, deputy chief of police ti PNP-Pagudpud, adda ti nakita ni Espiritu a granada iti kaadayo nga 200 a kilometro manipud iti balay na ken aksidente a bimtak bayat nga ig-ggaman na.
Inbatad na a nakita laengen ti bangkay ti biktima iti kataltalunan iti nasao a barangay ken dagus a naitaray iti Rural Health Unit (RHU) ngem naideklaran a natay babaen kenni Dr. Janice Zapatra gapo iti sinagaba na a sugat iti nagduduma a paset ti bagi na.
Agtultuloy met ti imbestigasyon dagiti otoridad seknan iti nasao a pasamak.
