LAOAG CITY – Naarestar ti maysa a lalaki a maibilang a wanted person ditoy ciudad ti Laoag.
Ti akusado ket agtawen ti 42, awanan ti asawa, mannalon ken residente iti Barangay Buyon iti ili ti Bacarra.
Naarestar ti akusado babaen ti bileg ti warrant of arrest nga inparuk-at ni Presiding Judge Hon. Bonhoever Vergara Hernandez iti Regional Trial Court Branch 4 ditoy ciudad ti Laoag gapu iti kaso na a panaglabsing iti Republic Act 7610 wenno Lascivious Conduct.
Nairekomendar ti 180 ribo a pisos a pagpiyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti Philippine National Police ditoy ciudad ti Laoag.
