LAOAG CITY – Natay ti maysa a menor de edad kalpasan a nagbekkel usar ti nylon idiay Barangay Tabug iti ciudad ti Batac.
Nabigbig daytoy a ni Adonis Pasicaran, agtawen ti 16, Grade 6 pupil, maysa nga Aeta wenno Ita ken tubo idiay ili ti Sta Prasedex, iti probinsya ti Cagayan.
Segun kenni Police Major Allan Emerson Dauz, ti chief of police ti PNP-Batac, nakita ti nakabitin a bangkay ti biktima babaen kenni Mr. Robert Barreto a mapan kuma agpukan ti kayo iti kakaykayawan.
Inlawlawag na naangot ken nakita ni Barreto ti ubing nga adda iti ngato ti kayo ken maipagarop nga umaboten ti makalawas a nakabitin.
Inbatad na nga adda ti ugali ti ubing a “sensitive” ken kuna ti nagnaedan na a ni Marilou Parubrob a napan da binirok daytoy ngem saan da a nagreport iti PNP.
Naamoan a napan idiay Barangay Tabug ti biktima tapno agmula kadagiti tabako ken nagduduma a nateng sipud pay idi Nobyembre 2018.
Innayon na nga awan met ti nakita da a senyales a nadangran ti biktima.
Agtultuloy met ti imbestigasyon dagiti otoridad tapno madetreminar ti pudno a rason ti nagpakamatayan ti menor de edad.
