LAOAG CITY – Inaprobaranen ti Sangguniang Panlungsod ti Memorandum of Agreement iti nagbaetan ti SM City of Laoag ken ni Mayor Michael Keon para iti libre a panagbuya dagiti senior citizens ken Person’s With Disability ditoy siudad ti Laoag.
Segun ken ni Presiding Officer Vice Mayor Rey Carlos Fariñas, nabalbaliwam dagiti linaon ti Memorandum of Agreement kas ti bilang dagiti mailibre gapu pangpadasanda agingga inton agngudo ita a tawen.
Inbatadna a manipud iti 200 ket napagbalin a 100 ti mapan agbuya ken kitkitaenda pay no mailibre dagitoy ti lugan a mapan agbuya.
Maipalagip nga immunan nga inpakaammo ti Bise Mayor nga aggudua nga agbayad ti lokal a gobierno ditoy siudad ti Laoag ken ti SM para iti libre a panagbuya dagiti senior citizens ken adda ti rangkap ti bagina.
