LAOAG CITY – Nakadanunen idiay Jordan dagiti 29 manipod iti 2 ribo nga ubbing manipod iti Gaza nga agkasapulan ti medical treatment.
Basar iti report, kaadoan kadagiti naibakwit ket nagpasar ti sugat gapu iti mapaspasamak a riribok idinto a dagiti ubbing ket agpaspasar ti nagduduma a sakit kas ti cancer ken rare blood conditions.
Naamoan a karaman kadagiti agpaspasar ti sakit nga ubbing ket ti innem a bolan na paylaeng a maladaga nga addaan ti heart condition.
Ti pannakaibiyahe dagiti masaksakit nga ubbing ket babaen iti katulagan iti nagbaetan ti Israel ken Jordan a suportado ti Estados Unidos.
Iti kada ubing ket adda ti maysa a miembro ti pamilya da a mangbayabay ken amin dagiti nagbakwit manipod iti Gaza ket pinalubusan idan ti Israel a pumanaw.
