LAOAG CITY – Inpasigurado ti North Atlantic Treaty Organization (NATO) nga adda isuda iti likud ti Ukraine tapno naan-anay nga abakenda ti panangraut ti Russia.
Inbatad ni North Atlantic Treaty Organization Secretary-General Jens Stoltenberg, ti masakbayan ti Ukraine ket nakadepende kadakuada.
Kunana nga aramidenda amin ti kabaelanda tapno naan-anay nga agbalinen a miembro ti North Atlantic Treaty Organization ti Ukraine.
Iti biang met ni Ukrainian President Volodymyr Zelensky, napateg ti suporta ti North Atlantic Treaty Organization tapno makissayan ti panagbalin nga agresibo ti Russia.
Inlawlawagna nga aramidenna met amin ti kabaelanna tapno mairaman ti pagilianda iti North Atlantic Treaty Organization.
Kabayatanna, agtultuloy met ti pananggutigotna kadagiti pagilian nga itultuloy ti panangipaayda kadagiti armas kadakuada.
