LAOAG CITY – Inlawlawag ni Atty. Charito Malicad, ti mangidadaulo iti Business Permit and Licensing Office ditoy ciudad ti Laoag a saan a mapermitan iti panagserra iti maysa pasdek negosio no diket maiproseso daytoy.
Segun ken ni Malicad, kasapolan nga agturong iti opsina da ti akinkuaka iti pasdek negosio no plano nan ti agsardeng nga agnegosyo.
Inlawlawag na a no saan da a maiproseso iti panagserra ti maysa a negosio a nakarehistro ket agtultuloy latta ti panagbayad na iti Business Permit and Licensing Office ken iti Burue of Internal Revenue .
Mainaig iti daytoy, kunana a nasayayat met laeng a dumalan iti usto a proseso iti panaserra ti maysa a negosio tapno awan iti agbalin a problema.
Maipalagip nga agtultuloy iti panangmonitor iti Business Permit and Licensing Office kadagiti negosio a saan pay a nakarehistro ken nakairenew ti business permit na, agraman dagiti saanen nga agop-operar pay.
