LAOAG CITY – Inbatad ti maysa a private lawyer a ni Atty. Irineo Kidd Castro nga adda ti kaibatugan a pannusa ken multa kontra kadagiti maduktalan nga agtiliw, agpatay, agibiyahe ken agilako kadagiti maibilang nga endangered species nga awan ti maiyannatop a permiso.
Kuna na a naipalaon daytoy iti Republic Act 9147 wenno Wildlife Resources Conservation and Protection Act of 2001.
Namonganay daytoy a rakurak ni Atty. Castro kalpasan ti napasamak a maipagarop a bomb threat iti parking lot iti dakkel a mall ditoy ciudad ti Laoag no sadinno a naduktalan a ti karga ti kahon ket tikka.
Awan ti naipila a kaso kontra iti akinbagi iti tikka gapu ta idi linukatan dagiti otoridad ti kahon ket nakataray daytoy rason nga awan metten ti ebidensya.
Nupay kasta, kuna ni Atty. Castro a no ti tikka ket kas kadagiti gagangay a makitkita iti uneg ti balay ket saan a maibilang nga endangered species dagitoy gapu ta mabalin lattan nga ikkaten aglalo no makaistorbo kadagiti bumalay.
