LAOAG CITY – Pirmaan ni Presidente Ferdinand Marcos Jr. ti 2026 national budget iti umuna a lawas ti Enero.
Inbatad ni Executive Secretary Ralph Recto, masapul pay laeng a tingitingen a naimbag ti Presidente ti linaon ti budget sakbay daytoy a pirmaan.
Inlawlawagna a saan met a maapektaran dagiti operasion ti gobierno uray maaddaan ti maysa a lawas a reenacted budget ken napatpateg ti naannad a pannakaarisit tapno maipatungpal daytoy nga husto.
Manamnama koma a mapirmaan ti budget inton Disiembre 29 ngem naitantan daytoy gapu ta immatiddog ti panangtalantan iti bicameral conference committee.
Immunan nga inrakurak ti Palasyo nga awan ti holiday break ken saan a turogan ti Presidente ti panagadal iti enrolled bill tapno maipasigurado a nadalus ken awan ti anomalya iti 2026 budget.
