LAOAG CITY – Nasakit ti nakem ni Mr. Victor Dabalos, ti mangidadaulo iti Provincial Environment and Natural Resources (PENRO) ditoy probinsya kadagiti mangiranranta nga agpuur iti kabanbantayan.
Inlawlawag na nga adda ti nangngegna a nangibaga a puuran da latta dagiti kabanbantayan gapu ta pamulaan metlaeng ti Provincial Environment and Natural Resources.
Inpetteng ni Dabalos a no mairanranta ti pannakapuur ti kabanbantayan ket saanda a pulosen a pamulaan.
Innayon na a no iti kallabes ket dagiti agal-ala ti uyukan ken dagiti mapan aganop ti atapen da nga agpupuur iti kabanbantayan, ita ket iwalindan daytoy kalpasan ti nangngeg na iti kallabes a mairanranta ti forest fire ditoy probinsya.
Mainaig iti daytoy, kuna ni Abalos a naballaagan dan dagiti agal-ala ti uyukan ken iti sumaruno a lawas ket adda ti iwayat da nga education campaign tapno ipakaammo kadagiti maseknan no ania dagiti rumbeng a maaramid tapno maliklikan ti pannakauram ti kabanbantayan.
Inpakaammo na pay a na-activate manen ti Ilocos Norte Fire Fighting Group a bukbulen dagiti Barangay Ranger Officers, Bureau of Fire Protection, Philippine National Police, Gobierno probinsyal, Marines ken dadduma pay nga isuda ti kangrunaan a katulungan da a manglapped iti pannakauram dagiti kabanbantayan ditoy Ilocos Norte.
Immunan nga inrakurak ni Dabalos nga addan ti panagtataripnong da kadagiti nasao agrupo kadwa da ti
Kabayatanna, inpaganetget ni Dabalos a no agtultuloy ti pannakauram dagiti kabanbantaya ket dumteng ti panawen nga awan pulosen dagiti kayo nga agtubo no di ket dagiti laengen root, a mangitunda ti pannakalayos ditoy probinsya.
