LAOAG CITY – Pormal a naideklarar ti Philippine National Police (PNP) ditoy ciudad ti Laoag kas drug free workplace.
Mismo a ni Provincial Director Darnell Bacate iti Provincial Drug Enforcement Unit (PDEU) ditoy probinsya ti nangideklarar iti daytoy.
Malaksid ken ni Bacate ket adda pay ni Provincial Director Police Col. Julius Suriben.
Immuna iti daytoy, dimmalan ti drug test dagiti nasurok a 100 a personnel iti nasao a kwerpo ti pulisya ken negatibo amin ti resulta na rason a naideklarar kas drug free workplace ti Philippine National Police ditoy ciudad ti Laoag.
Mainaig iti daytoy, nagyaman ken maragsakan ni Police Lt. Col. Joseph Baltazar, ti chief of police ditoy ciudad gapu ta negatibo amin dagiti 125 a personnel da ken dagiti 10 a Non-Uniformed Personnel da ket negatibo da iti illegal a droga.
Kabayatanna, inpasingked met ni Suriben nga iti baet a nagnegatibo amin dagiti kameng ti pulisya ditoy ciudad ti Laoag ket saanna a kayat a sawen nga awanen dagiti isayangkat da a surprise drug test kadagiti nagduduma a police station ditoy probinsya.
