LAOAG CITY – Sinuportaran ni Pres. Ferdinand Marcos Jr. ti naikeddeng a panangideklara ti Department of Agriculture (DA) a Food Security Emergency on rice ditoy pagilian.
Segun ken ni Pres. Marcos, umanamong daytoy iti singasing ti National Price Coordinating Council (NPCC).
Inbatadna a maiyur-uray laengen ti pormal a panangawat ti Department of Agriculture ti rekomendasion inton sumaruno a lawas.
Inlawlawagna a maipatungpal daytoy nga addang tapno masurot ti umiso a presio ti bagas kadagiti merkado publiko.
Kunana nga iti baet kadagiti addang nga ar-aramiden ti gobierno ket saan latta a bumabbaba ti presio ti bagas.
Innayonna a saan a maipatpatungpal ti law of supply and demand iti merkado.
