LAOAG CITY – Adda ti umdas a pundo ti Philippine Health Insurance Corporation (Philhealth) tapno sakupen ti benepisio iti salun-at kadagiti amin a Pilipino para iti 2025.
Daytoy ket iti baet ti addang ti Kongreso nga amendaran ti Universal Health Care (UHC) Act.
Inlawlawag ni Philhealth Board of Directors Chairperson ken Health Secretary Ted Herbosa nga inyakar ti pundo ti PhilHealth ti maipapan iti Universal Health Care.
Kunana nga arig mano a tawen a naturog ti pundo ti PhilHealth iti bangko, adayo ken saan a mausar dagiti ordinario a Pilipino.
Inpalgakna a no saan a napasamak ti pannakaiyakar ti pundo ket posible a saan a napaigetan ti panawagan a mausar daytoy gapu ta responsibilidad ti PhilHealth a bayadan dagiti benepisio ti miembro daytoy.
