LAOAG CITY – Inawat ti Senado ti gakat ni Senador Sherwin Gatchalian a mangilatang ti P3.058 bilyon para iti 82 State Universities and Colleges (SUCs) inton sumaruno a tawen.
Daytoy ket tapno masupusupan ti kinakurang iti pundo ti pannakaipatungpal ti free higher education.
Inawat ti nasao a gakat ni Gatchalian iti inaprobaran a bersion ti General Appropriations Act wenno ti House Bill No. 10800 para iti tawen 2025 iti Senado.
Inpetteng ni Gatchalian a makatulong ti kanayonan a pundo tapno mapalawa ti kabaelan dagiti State Universities and Colleges nga immawat ti ad-adu pay nga estudiante.
Babaen iti daytoy, ad-adu nga agtutubo ti mabenepisiaran iti libre a kolehio.
