LAOAG CITY – Nagpakamatay ti maysa a senior citizen iti Brgy. 15 Visaya iti ili ti Vintar.
Nabigbig ti biktima a ni Thelma Foronda, agtawen iti 60, addaan ti live in partner, mannalon ken resident iti nasao a barangay.
Basar iti Vintar Municipal Police Station, timmapuak ti biktima iti irrigation canal wenno tunnel nga adda ti kaunegna nga uppat agingga iti lima a metro iti Brgy. 15 Visaya iti ili ti Vintar.
Maibasar iti imbestigasion, nangisayangkatda ti search and rescue operation ngem saanda dagus nakita ti biktima.
Nupay kasta, nangisayangkat manen ti search and rescue operation ti 102nd Infantry Batallion, Phil. Army, Municipal Disaster Risk Reduction and Management Office iti ili ti Vintar, Bureau of Fire Protection iti ili ti Vintar ken dagiti opisial ti barangay ti Brgy. Visaya tapno maituloy ti panangbirokda iti bitkima.
Mainaig iti daytoy, nakita ti bangkay ti biktima iti Bislak River nga adda iti kaunegna a lima a kadapan iti karayan nga asideg iti Umok ni Siwawer iti Brgy. 10 Parparoroc iti ili ti Vintar.
Kabayatanna, naammoan a depression ti nangitunda ti panagpakamatay ti biktima kalpasan a natay ti kabsatna iti kallabes.
