LAOAG CITY – Nakalockdown iti sitio 2, 3 ken 4 iti Barangay 13 iti ili ti San Nicolas kalpasan a nagpositibo ti covid-19 ti agtawen ti 40 ken CAAP employee a residente iti lugar.
Nagturong a dagus dagiti kameng ti Bureau of Fire Protection (BFP) iti balay ti nasao a pasyente tapno ag-disinfect.
Naamoan a dagiti kameng ti pamilya ti pasyente ket naka-quarantine da ken manamnama a dumalan da amin ti swab test.
Mainaig iti daytoy, naiget ti panagbantay dagiti opisyal ti barangay tapno masigurado nga awan dagiti basta makaruwar ken makastrek iti lugar.
Kabayatanna, nakalockdown metten iti sitio 6 ken 7 iti Barangay 9 iti ili ti San Nicolas kalpasan a nagpositibo met iti covid-19 ti maysa nga health worker.
Segun ti report, ti nasao nga health worker ket na-expose iti covid-19 patient idi Hulyo 17 ita a tawen.
Manamnama nga intono Lunes, agosto dos ket maipadalan ti swab test dagiti kameng ti pamilya ti nasao a pasyente.
Malaksid kadagiti kameng ti pamilya ti health worker ket awanen dagiti sabsabali pay a nakapulapol na iti nasao a barangay.
