LAOAG CITY – Nangipaay ti sungbat ni Sangguniang Panlalawigan Member Franklin Respicio ditoy probinsia iti nagbalin a reaksiyon ni Mayor Michael Marcos Keon ditoy ciudad ti Laoag, maipanggep iti rental fee iti track and field iti Ferdinand Edralin Marcos Stadium.
Inrakurak ti opisyal, kas chairman iti Committee on Ways and Means, naibasar ti rental fee iti nagbalin a rekomendasion ti Provincial Sports Office ken Provincial General Services Office.
Inpettengna a naibasar daytoy iti pannakisarsaritana kadagiti pagopisinaan no sadinno napartuatda ti gatad babaen kadagiti inwayatda a benchmarking kadagiti dadduma a Local Government Unit ken Provincial Government.
Inlawawag ni respicio a sakbayda nga inadaptar ket adda ti immuna nga inwayatda nga public hearing a nakipagpartisiparan dagiti lokal a gobierno pakairamanan ti lokal a gobierno ditoy ciudad, dagiti pagadalan, ken sports enthusiast.
Kunana a kalpasan iti public hearing, awan kadagiti partisipantes ti nangipaay ti reaksiyon, komento ken suhestion.
Gapu iti daytoy, adda ti nangibasaranda nu apay nga naan-anay a naipasa daytoy kas maysa nga ordinansa.
Kabayatanna, inbatad ni Respicio no siasinno man pakairamanan ni Mayor Keon ket mabalin nga agturong iti Provincial Government ti Ilocos Norte tapnu makisarita ken ni Governor Matthew Marcos Manotoc maipanggep iti amin nga aspeto ti gobierno probinsial.
Maipalagip a nagipaay ti komento ni Mayor Keon iti nagbalin a post online ti maysa nga indibidual maipanggep iti entrance ken rental fee iti track and field no sadinno kinunana a saan nga usto iti 2,500 iti kada oras a masingir kadagiti umili a mangusar iti track and field nangruna kadagiti mangiwayat ti rehearsals ken practice
