LAOAG CITY – Kinumpirmaran ni Mrs. Fresnaida Gundan, ti mangidadaulo iti Department of Labor and Employment (DOLE) ditoy probinsya nga add latta dagiti employers a saan a mangsursurot ti alagaden mainaig ti panagpasweldo no holiday kas ita nga aldaw a Regular Holiday gapu ti Ramadan.
Inbatad na a binagbagaan dan dagiti nasao nga employers a masapol a suruten da ti maipatpatungpal a pagalagadan.
Inpalagip na a no regular holiday ket double pay idinto a no non-working day ket manayunan ti 30 a porsiento ti sweldo, sabali lang ti mainayun no ag-overtime ti maysa nga empleado.
Innayon na a no saan latta nga agtungpal dagiti employers ket tawagan da dagitoy wenno suratan da dagiti maseknan.
Inpasingked pay ni Gundan ti panagin-inspeksyon da kadagiti amin nga establisimiento tapno maamoan no ania dagiti problema ken mabalin da a maitulong kangrunaan na dagiti empleado.
