LAOAG CITY – Kinumpirmaran ni Police Captain Artemio Clemente, chief of police ti PNP-Badoc nga iggem dan ti suspek ti pammagkong iti paset ti Barangay 4-B, Aring iti nasao nga ili a nakatayan ti maysa a barangay tanod.
Nabigbig daytoy a ni Mark Rodel Rinien, 25, awanan asawa, mannalon, agpada a residente iti nasao a barangay, ken ti biktima ket ni Joseph Mayubay, agtawen ti 27.
Segun kenni Clemente, mismo a ni Barangay Chairman Pedro Tolentino Jr. ti nangisuko kenni Rinien iti PNP kalpasan a boluntaryo a nagturong ti suspek iti balay ti kapitan.
Inlawlawag na a basar iti palawag ni Rinien, napan naganawa iti rambol iti maysa a pasken ngem maipagarop nga adda mangpang-or iti bukot na rason a naibaw-ing iti biktima ti pungtot na a nangitunda ti panangbagkong na iti daytoy.
Kunana nga idi sinaludsod na iti suspek no nangipanan na ti kutsilyo nga inusar iti krimen ket inbatad na nga inpurwak na iti kakawayanan.
Inbatad na basar iti imbestigasyn da ket rumrumwar a datin nga adda ti riri ti suspek ken biktima idi 2017 ken mabalin a naipalagip kenni Rinien daytoy a nangitunda ti pasamak.
Iti agdama ket am-amoen pay laeng dagiti otoridad iti nasao nga ili no anya ti pudno a motibo ti nasao a pammagkong.
